Алимпа 1980-жылы Сокулук районундагы Шалта айылында жарык дүйнөгө келген.
«Менин улуу эжем, эки кичүү эжем жана бир агам бар. 1997-жылы мектепти аяктап, Бишкектеги Кыргыз экономикалык университетине кирип, финансылар жана кредит боюнча билим алдым. Мен турмушка чыккам, 21 жаштагы уулум жана 8 жаштагы кызым бар. Жолдошум жеке ишкерлик жана кайрымдуулук менен алектенет. 2007-жылы Сокулук райондук мамлекеттик администрациясында адис катары карьерамды баштадым. Эркин убактымда музыка угууну жакшы көрөм. Ата-энем пенсияда», - деди Алимпа.
Ал ошондой эле өзүнүн аты 1980-жылы Москвада өткөн Олимпиадага байланыштуу коюлганын айтып берди.
«Менин атам жаш кезде футбол ойноп, дарбазачы болгон. Мен 1980-жылы, дүйнө Олимпиада оюндарын Москвада күтүп жатканда төрөлдүм. Башында атам мени «Олимпиада» деп атагысы келген, бирок ЗАГСте аны «Алимпа» деп кыскартууну сунушташкан. Мен жаңы адамдар менен таанышкан сайын, алар менин атымды кайра сурашат. Мен өзүң волейбол менен кызыгам жана атама мындай уникалдуу ат үчүн ыраазычылык билдирем», - деди Сулайманова.
