2026-жылы БУУнун климаттык саммити Түркияда өтөт, деп билдирет Reuters.
Саммитти өткөрүү үчүн эки өлкө талапкер болуп чыккан, бирок натыйжада конференцияны Австралиянын төрагалыгы менен Анталияда өткөрүү чечими кабыл алынды. Эки тарап да бул маанилүү иш-чарага даярдык көрүү үчүн бир жылга ээ.
Австралия өз арызын «Тынч океан COP» катары сунуштап, климаттын өзгөрүшүнө жана деңиз деңгээлинин көтөрүлүшүнө өзгөчө кабылган аралдык мамлекеттер менен кызматташууда. Саммитке даярдык көрүү үчүн австралиялык тарап буга чейин болжол менен 4,5 миллион доллар бөлүп, көптөгөн өлкөлөрдүн колдоосуна үмүт артууда.
COP31ди кабыл алып жаткан Түркия өнүгүп келе жаткан республика катары өнүккөн жана өнүгүп жаткан мамлекеттер арасында биримдикти бекемдөөгө умтулуп, саммитти регионалдык маселелер менен чектелбестен, көбүрөөк инклюзивдүү кылууга аракет кылып жатканын баса белгиледи.
Учурда Бразилиядагы Белен шаарында COP30 өтүп жатат, анда өлкөлөр климаттын өзгөрүшүнө каршы күрөшүү, эмиссияларды азайтуу жана эң уязвимдуу мамлекеттерди колдоо боюнча чараларды талкуулап жатышат.
