Ош шаарында асфальттоо аяктагандан кийин С. Супаналиев атындагы көчө салтанаттуу түрдө ачылды. Бул тууралуу шаардык мэрия маалымдады.
Ачылыш аземине мэр Женишбек Токторбаев, шаардык кеңештин төрагасынын орун басары Ниязбек Нурбаев жана аймактын тургундары катышты.
Жаңы түзүлгөн жолдун узундугу 750 метрди, туурасы 8 метрди түзөт. Көчөнүн бир жагында ирригациялык лотоктор орнотулган.
Рейддик текшерүү учурунда Ош шаарынын мэри Женишбек Токторбаев бул көчөнү да кыдырып, жолду кеңейтүү жана асфальттоо боюнча көрсөтмө берди, бул иштерди жүргүзүүгө тоскоол болгон бир нече имараттарды демонтаждоону талап кылды.
«Бул көчө Алымбек Датка көчөсүнө параллель өтөт жана негизги жолдогу транспорттук агымды жеңилдетет деп күтүлүүдө», — деп белгилешти мэриядан. ```
