Район администрациясы тарабынан берилген маалыматка ылайык, сугатка жатпаган жаңы участоктор жеке ишкерлерге жана жергиликтүү тургундарга берилүүдө. Бул жерлерди алган фермерлер суу камсыздоо үчүн вертикалдык скважиналарды активдүү буроодо, бак-дарактары отургузулууда жана инфраструктураны жакшыртуу иштерин жүргүзүүдө.
Ошондой эле 200 гектар жаңы жер Кадамжай суу чарба башкармалыгына берилди. Бул долбоордун алкагында суу камсыздоо үчүн эки вертикалдык суу скважинасы бурулган. Капиллярдык сугат системасын уюштуруу үчүн керектүү түтүктөр жеткирилген. Мындан тышкары, 6000 кубометр көлөмүндөгү резервуар куруу пландалууда. Бул 200 гектарды иштетүүгө мамлекеттик бюджеттен 50 миллион сом бөлүнгөн.
