Аймактык жол кыймылынын коопсуздугун камсыздоо бөлүмүнүн начальниги Асыкбек Шакуловдун белгилөөсү боюнча, бул иш-чара ички иштер бөлүмүнүн, райондук администрациянын жана билим берүү бөлүмүнүн колдоосу менен уюштурулган. Марштын негизги максаты — Жол кырсыктарынын санын азайтуу жана айдоочулар менен жөө жүргүнчүлөрдү жол кыймылынын эрежелерин катуу сактоого чакыруу.
Марштын жүрүшүндө айдоочуларга төмөнкү сунуштар берилди:
— алкоголь ичимдиктерин ичип унаа башкаруудан качуу;
— белгиленген ылдамдыкты ашырбоо;
— жаздык шинадарды мезгилинде кышкы шинага алмаштыруу;
— калктуу жерлерде жакын жарыкты колдонуу;
— курагы жетпегендерге унаа башкарууга уруксат бербөө.
Эсенгул Карасартов жана Шүкүрбек Бейшеналиев атындагы мектептин окуучулары да акцияга активдүү катышып, жол кыймылынын эрежелерин сактоого чакырган плакаттарды кармап турушту.
ООБДД инспекторлорунун айтымында, учурдагы жол кырсыктарынын көпчүлүгү ылдамдыкты ашыруу, алкоголь ичимдиктерин ичип унаа башкаруу жана аралыкты сактабагандык менен байланыштуу, өзгөчө шагылдуу жана чаңдуу жолдордо, бул авариялык кырдаалдарга алып келет.
