Манас муниципалдык жүргүнчү автопаркынын директорунун орун басары Алимбек Шерматов билдиргендей, шаар ичинде жүрүү акысы 15 сомдон 20 сомго көтөрүлөт.
«Ак-Тилек айылына чейин жүрүү акысы 20 сомдон 30 сомго, ал эми Төш-Кутчу айылына чейин 25 сомдон жогорулайт», - деп кошумчалады ал, мектеп окуучулары үчүн баанын 10 сом деңгээлинде каларын белгилеп.
Маселени талкуулоо учурунда депутат Айзад Раматиллаева муниципалдык автобустардын иштөө интервалдары боюнча тынчсыздануусун билдирди..
«Интервалдарга көңүл буруңуздар. Окуучулар сабактан кийин автобустарды узак күтүүдө жана суукта тоңуп жатышат. Биздин баарыбыздын балдарыбыз бар, ошондуктан бул маселени чечүү маанилүү. Кошумча маршруттарды ишке киргизүүнү караштырууга керек», - деп баса белгиледи ал.
Жооп катары автопарктын өкүлдөрү автобустар арасындагы интервал 7ден 10 мүнөткө чейин экенин белгилешти.
Депутаттар тарифтерди жогорулатуу боюнча сунушту бир добуштан колдошту.
- Манас шаарында учурда 60 муниципалдык автобус иштеп жатат, анын ичинде 10 электр автобусу 7 маршрутту тейлейт.
Объектилер
Спутник
⛶
