Иш-чарада Кыргыз Республикасынын Су ресурстары, айыл чарба жана кайра иштетүү өнөр жайы министринин орун басары Алмаз Жээналиев, Баткен облусундагы Президенттин ыйгарым укуктуу өкүлү Айбек Шаменов, ошондой эле Дүйнөлүк банктын өкүлчүлүгүнүн жетекчиси мырза Хью Ридделл жана долбоордун директору Уланбек Торогельдиев сыяктуу жогорку кызматтагы адамдар катышты. Мындан тышкары, жергиликтүү суу чарба башкармалыктарынын жетекчилери, подряддык жана консультациялык уюмдардын өкүлдөрү, жергиликтүү коомчулуктар жана башка кызыкдар тараптар чакырылган.
Долбоор Кадамжай районундагы эки айыл өкмөтүн жана бир шаарды камтыйт, каналдардын жалпы узундугу 35,2 км, анын ичинен 25,67 км толугу менен жаңыланат.
Алмаз Жээналиев жумуштар аяктагандан кийин 4435 гектар айыл чарба жерлерине суу берүү жакшырыларын, бул айыл чарба продукциясынын түшүмдүүлүгүнө жана туруктуулугуна түздөн-түз таасир этээрин белгиледи. "Шахимардан ирригациялык системасын модернизациялоо миңдеген фермерлер үчүн туруктуу суу камсыздоону камсыздайт, сугат суусун пайдалануунун натыйжалуулугун жогорулатат жана айыл чарбасын климаттык өзгөрүүлөргө ылайыкташтырууга жардам берет", - деп кошумчалады ал.
Долбоорду ишке ашыруу Су ресурстары, айыл чарба жана кайра иштетүү өнөр жайы министрлиги тарабынан Дүйнөлүк банктын колдоосу менен "Климаттык өзгөрүүлөргө туруктуу суу чарба кызматтарын жакшыртуу" программасынын алкагында жүргүзүлүүдө.
