15-декабрда Нарын шаарында шаардык негизги жаңы жылдык шыршаны күйгүзүү салтанаты өттү.
Шаардык мэриянын маалыматына ылайык, жаңы шыршанын бийиктиги 12 метр, туурасы 4 метрди түзөт. Бул жылы аны кооздоо үчүн 47 миң сом бөлүнгөн.
«Биз бул шыршаны жети жылдан бери кооздоп келе жатабыз, бирок ар бир жолу жаңы нерселерди кошобуз», - деп белгилешти мэриянын өкүлдөрү.
Жакын арада «Мэрдин шыршасы» деген салттуу иш-чара өтөт, ага 250 бала, анын ичинде жетимдер, мүмкүнчүлүгү чектелген балдар жана ар кандай райондордон келген мыкты окуучулар чакырылат.
«Мэрдин шыршасын уюштуруу жергиликтүү бюджеттен каржыланат, бул максаттар үчүн 400 миң сом бөлүнгөн», - деп кошумчалашты муниципалитетте.
