Бул иш-чара кылмыш-жаза аткаруу системасынын тарыхында биринчи жолу болуп өттү. Анын алкагында коомдук уюмдардын өкүлдөрү, блогерлер жана Бишкектин тургундары чогулушту. Көргөзмө көрүүчүлөрдүн көңүлүн бурду, гуманизм, колдоо жана экинчи мүмкүнчүлүктүн мааниси тууралуу талкуулоого платформа болду.
«Үмүттүн кыл калеми» долбоору көргөзмө гана эмес, ошондой эле социалдык иш-чара болуп, соттолгондорду кайра социализациялоо процессине объективдүү көз караш түзүү жана алардын чыгармачылык жөндөмдөрүн ачуу максатын көздөдү. Бардык көрсөтүлгөн эмгектер соттолгондор тарабынан түзүлгөн жана алардын ички сезимдерин, жашоо тажрыйбасын жана өзгөрүүгө болгон каалоосун чагылдырат.
Иш-чаранын алкагында көркөм жана колдонмо эмгектердин презентациялары, ошондой эле соттолгондорду жана алардын үй-бүлөлөрүн колдоо үчүн картиналарды сатуу боюнча кайрымдуулук иши өткөрүлдү. Мындан тышкары, эркин диалог уюштурулуп, эркиндигинен ажыратылган адамдарды социалдык адаптациялоо жана колдоо мааниси тууралуу талкуу болду.
Көргөзмөдө 30 картина көрсөтүлдү, алардын 23ү сатууга коюлду. Иш-чаранын биринчи саатында 15тен ашык көркөм эмгек сатылды.
