Ал Кашкар-Кыштак айылындагы борборлоштурулган канализация системасынын долбоору менен таанышып, тиешелүү маалымат алды.
Андан соң ыйгарым укуктуу өкүл Кара-Суу шаарындагы темир жол вокзалынын аймагындагы отун базасын зыярат кылып, объекттин абалы жана ар кандай долбоорлорду ишке ашыруу пландары менен таанышты. Ал өзүнүн сунуштарын берди жана чечүүнү талап кылган маселелерге көңүл бурду.
Мындан тышкары, А. Кенжебаев «Кара-Суу эл базары» рыногуна таандык 13 гектар жерди соода-логистикалык борборго айландыруу маселесин изилдеди. Ал жооптуу жетекчилер менен учурдагы көйгөйлөрдү чечүүнүн жолдорун жана заманбап логистикалык инфратүзүмдү түзүү маселелерин талкуулады.
Ошондой эле ыйгарым укуктуу өкүл Эркин айылындагы складда турган уулуу заттарды башка жерге көчүрүү маселеси менен таанышып, коопсуздук талаптарын сактоонун маанилүүлүгүнө көңүл бурду.
Жумушчу сапарынын аягында ал Өзбекстан менен чектеш Савай айылындагы «Ынтымак» көзөмөл-өткөрүү пунктун зыярат кылып, объектти пайдаланууга берүү маселелерин талкуулап, жетекчилерге конкреттүү тапшырмаларды берди.
