Бул тапшырманын аткарылышы президенттин жана Кабминдин чечимдеринин аткарылышын көзөмөлдөө башкармалыгы тарабынан контролдонуп турат.
Бул буйрук Кыргыз Республикасынын Конституциясынын 71-беренесине жана «Мамлекеттик сатып алуулар жөнүндө» мыйзамдын 17-беренесинин 3-бөлүгүнүн 13-пунктуна негизделген.
Маселенин тарыхы
Ош облусунун жол инфраструктурасын жакшыртуу максатында Стабилизациялык фонддон 4 миллиард сом кошумча бөлүнгөн. Бул тууралуу президент Садыр Жапаров 21-мартта Ошто Нооруз майрамына арналган куттуктоо сөзүндө билдирди.
Бөлүнгөн каражаттар менен үч негизги жолду оңдоо пландалууда: Узген—Мырзаке—Кара-Кулжа, Ош—Баткен—Раззаков (Ноокат—Кызыл-Кия участогу) жана Ош—Кара-Суу.
Мындан тышкары, президент керектүү жол техникасын сатып алынаарын белгиледи.
Turmushтун маалыматы боюнча, июль айында президенттин Ош облусундагы ыйгарым укуктуу өкүлү Эльчибек Джантаев Кара-Суй районунда иш сапары менен болуп, Ош—Кара-Суу автожолунун оңдолушуна даярдык менен таанышкан.
