Ал ошондой эле 2026-жылдын 1-январынан тарта бир нече саламаттык сактоо уюмдарына автономия берилген пилоттук долбоордун башталышы тууралуу эскертти. Жыйырмага жакын мекеме өз финансыларын жана иштерин көбүрөөк көз карандысыз башкарууга мүмкүнчүлүк алышат.
ОшГУнун медициналык борборунда ишке ашырылган башкаруу модели бул долбоор үчүн негиз болуп калышы мүмкүн. Эгер пилоттук долбоор өз натыйжалуулугун көрсөтсө, аны бүт өлкөгө жайылтууга болот.
Каныбек Досмамбетов: "Расмий тарифтер боюнча медициналык кызматтарды көрсөтүү мекеменин кассасына каражаттардын түшүшүн камсыз кылат, бул формалдуу эмес финансылык агымдарды жокко чыгарат. Бул дарыгерлердин жана медициналык кызматкерлердин маяналарын жогорулатууга кирешенин 50% дан кем эмес бөлүгүн бөлүүгө жана медициналык уюмдун өнүгүшүнө каражат жумшоого мүмкүндүк берет. Мындай мамиле коррупция деңгээлин кыйла төмөндөтөт жана туруктуу мотивация системасын түзөт" - деп белгиледи.
