Министрдин айтымында, бул жогорулатуу врачтарга гана эмес, саламаттык сактоо тармагындагы бардык кызматкерлерге тиешелүү болот.
Ал мындай чечим бюджетке кошумча жүк жаратат дегенине карабастан, мамлекеттин кирешелеринин өсүшү аны ишке ашырууга мүмкүнчүлүк берерин белгиледи.
Учурда медицина кызматкерлеринин орточо айлыгы болжол менен 23 миң сомду түзөт, ал эми жогорулатуудан кийин 35-36 миң сомдун чегинде болот. Узак убакыттан бери иштеп жаткан врачтарга, аймактарда кызмат өтөгөндөргө, айлыгы 100 миң сомго чейин жогорулаары убада кылынды, деп кошумчалады Эркин Чечейбаев.
