Президент мугалимдердин билим берүү системасын реформалоодогу маанилүүлүгүн белгилеп, мамлекет алардын маанилүү ролун тааный турганын айтты.
Ал учурда мугалимдердин орточо айлык акысы 26 миң сомду түзөрүн, бирок 2026-жылдын апрелинен тарта 40 миң сомго чейин жогорулаарын маалымдады. Шаарларда аз тажрыйбасы бар мугалимдер 22 миң сомго чейин айлык алышат. Айыл жерлеринде кыргыз тили боюнча бакалавр дипломуна ээ мугалимдер азыр 23 151 сом табышат, ал эми айлык жогоруланган соң 27 360 сомго жетет. Алыскы тоо аймактарында иштеген математика мугалимдери азыр 65 809 сом алышат, ал эми айлык жогоруланган соң 80 863 сомго жетет," - деди мамлекет башчысы.
Эскерте кетсек, мугалимдердин айлык акылары акыркы жолу 2022-жылдын апрелинде жогорулаган, ал учурда эсептөө системасы кайра каралды: эми мугалимдер сааттык төлөмдүн ордуна туруктуу айлык алышат жана максималдуу жүк үчүн чектөөлөр киргизилген. Натыйжада, учурда орточо айлык акы болжол менен 26 миң сомду түзөт.
Кийинки айлык акыларды жогорулатуу 2026-жылдын апрелинде жана октябрында болот деп күтүлүүдө.
