13 миңден ашык үй-бүлө квартира алышты
«Асман Резиденс-4» жаңы турак жай комплексинин ачылышында, президент Садыр Жапаров Мамлекеттик ипотекалык компания 13 миңден ашык үй-бүлөгө турак жай бергенин билдирди.
Ал Мамлекеттик ипотекалык компаниянын уставдык капиталы 2015-жылы 10 миллион сомдон 2023-жылы 87,5 миллиард сомго чейин өскөнүн белгиледи.
Президенттин айтымында, «Мамлекеттик ипотекалык компания жеткиликтүү турак жайдын туруктуу моделин көрсөтүп, миңдеген муктаж жарандарга квартира менен камсыздоого мүмкүнчүлүк берет, ошондой эле экономикалык өсүшкө жана инфраструктуранын өнүгүшүнө көмөктөшөт. Бул жетишкендиктер мамлекеттик турак жай саясатынын стратегиялык маанилүүлүгүн баса белгилейт».
Мындан тышкары, Садыр Жапаров турак жайга арыз берүү процессинин цифрлаштырылышын эске салды.
««Түндүк» мобилдик тиркемесинин ишке кириши менен кезек автоматташтырылды, бул коррупциялык тобокелдиктерди азайтууга жардам берди. Бүгүнкү күндө 13 миңден ашык үй-бүлө квартира менен камсыздалды, ал эми 69 миңден ашык жаран мамлекеттик программа боюнча өз кезегин күтүп жатат», - деп кошумчалады президент.
Сүрөт www
