Бишкекте Улуттук банк жаңы имаратынын ачылышында Кыргызстан президенти Садыр Жапаров аталган мекеменин негизги милдеттеринин бири эл аралык стандарттар менен өлкөнүн кызыкчылыктарынын ортосунда тең салмактуулукту сактоо экенин белгиледи.
Ал Улуттук банктын структурасы дайыма жакшыртылып турушу керектигин, киберкоопсуздук, банктык маалыматтарды коргоо жана жарандардын финансылык сабаттуулугун жогорулатуу боюнча системалуу иш жүргүзүү зарылдыгына көңүл бурду.
«Сиздердин негизги милдетиңиз — бул эл аралык стандарттар менен улуттук кызыкчылыктар ортосунда тең салмактуулукту сактоо», — деп кошумчалады президент.
Садыр Жапаров ошондой эле глобалдык өзгөрүүлөр шартында ийгиликтүү иш алып баруу үчүн жогорку квалификациялуу адистердин болушу зарылдыгын белгиледи.
«Технологиялар тез өнүгүп жатат, биз болсо четте кала албайбыз. Ошондуктан мен Улуттук банктын кызматкерлеринин айлык акыларын жогорулатуу, жаш адистерди тартуу жана алардын кесиптик квалификациясын жогорулатуу боюнча демилгени колдойм», — деп жыйынтыктады мамлекет башчысы.
