Бишкекте Улуттук банктын жаңы имаратынын салтанаттуу ачылышы болуп өттү, ага президент Садыр Жапаров катышты.
Ал өз сөзүндө Кыргызстан алтын-валюта резервдерин сактоо боюнча көйгөйлөргө туш болгонун белгиледи.
«Мурда сактоо шарттары оптималдуу эмес болчу, жана көп учурда биз алтын запастарыбызды чет өлкөдөгү банктарга тапшырганга мажбур болчубуз. Эми Улуттук банктын өлкөдөгү эң ири сактоочу жайы бар, ал эл аралык стандарттарга жооп берет жана 1000 тонна алтын сактоого мүмкүнчүлүк берет. Биз эми өз запастарыбызды ишенимдүү сактоодон тышкары, кардарларга кымбат металлдарды сактоо боюнча кызматтарды сунуштай алабыз», - деп кошумчалады президент.
Садыр Жапаров жаңы имараттын жана заманбап сактоочу жайдын ачылышы Кыргызстандын финансылык суверенитетин бекемдөөнүн жана банкттык инфраструктурасынын деңгээлин жогорулатуунун маанилүү кадамы экенин баса белгиледи.
Президент жаңы курулуш финансылык системанын туруктуулугунун жана ачыктыгынын символу болот деп ишенерин билдирди.
