Калпаевдин айтымында, 2010-жылга чейин Баткен облусуна газ Өзбекстандан жеткирилген, бирок андан кийин жеткирүү токтоп калган.
«Инфраструктура ордунда калды, түтүктөр толук тартипте. Өзбекстан менен жаңы келишим түзүү кошумча чыгымдарды талап кылбайт, болгону учурдагы достук байланыштарды пайдалануу маанилүү», — деп эсептейт депутат.
Министрлер кабинетинин башчысы Адылбек Касымалиев региондун газ инфраструктурасы менен жеке таанышканын белгиледи. «Мен бул маселе боюнча өзбек кесиптешим менен байланышам», — деп кошумчалады ал.
