Трамптын айтымында, анын "Путин менен ар дайым жакшы мамилелери болгон", бирок азыр ал тынчтык инициативалары боюнча нааразычылык сезип жатат.
Эки күн мурун, 23-октябрда, ал Будапештте пландалган Путин менен жолугушууну жокко чыгарды, жаңы жолугушуунун натыйжалуу болоруна кепилдик жоктугуна шилтеме берип.
Орус тарап болсо сүйлөшүүлөрдүн жокко чыгарылганын эмес, болгону которулганын билдирүүдө. Путин даярдык үчүн көбүрөөк убакыт керек экенин белгиледи, ал эми анын атайын өкүлү Кирилл Дмитриев CNNге берген интервьюсунда жолугушуу "келечекте" болоорун айтты.
Эсиңиздерге сала кетсек, Будапешттеги жолугушуу планы 16-октябрда лидерлердин телефон сүйлөшүүсүнөн кийин пайда болгон, анда Украинага аскердик жардам берүү, анын ичинде Tomahawk ракеталарын берүү талкууланган. Бул сүйлөшүүнүн жыйынтыгында Трамп Киевге курал берүү боюнча чечимди кайрадан кийинкиге калтырган.
Ошол эле учурда, 23-октябрда АКШ Россиянын мунай секторуна каршы жаңы санкциялар киргизди, "Роснефть" жана "Лукойл" менен операцияларды чектеп, ушул компаниялар менен келишимдерди бүтүрүү үчүн акыркы мөөнөттү 21-ноябрга белгиледи.
