Чүй проспектинин ачылышы эң күтүлгөн жаңылыктардын бири болду. "Бул мен үчүн кубанычтуу окуя, - деди респонденттердин бири. - Ремонт узакка созулду, дайыма тыгындар болуп турчу, эми биз шаарда кайрадан тынч эле жүрө алабыз". Шаардыктар инфраструктурадагы жакшыртууларды белгилешет: "Жолдор чын эле курулуп жатат, бул кубандырат", "Биздин транспорттук система жакшырууда".
Кээ бирлери балдар бакчаларын каржылоодогу өзгөрүүлөрдү да белгилешти: "Мамлекеттик каржылоонун көбөйүшү жалгыз позитивдүү жаңылык болду", - деди сурамжылоонун катышуучуларынын бири.
Бирок, жаңы заводдордун ачылышына бардыгы эле кубанычтуу карашпайт: "Заводдор ачылууда, бирок бул туруктуу экономикалык өсүүгө алып келбейт, ошондуктан мен муну маанилүү деп эсептебейм", - деди шаар тургундарынын бири.
Жогорку Кеңешке болгон шайлоолор да көңүлдөн четте калган жок: "Депутаттардын ант берүү церемониясы абдан формалдуу болду. Алар келишти, бирок документтерге көз жүгүртүп, нормалдуу окуп коюшса болмок", - деди дагы бир сурамжыланган.
Жылдын негизги окуяларынын арасында шайлоолор жана заводдордун ачылышы да белгиленди. "Мен кайрымдуулук боюнча жаңылыктарды көзөмөлдөөнү жактырам, мага ушундай жагымдуу окуялар жагат", - деди дагы бир респондент.
