Өрттү өчүрүүгө беш өрт өчүрүү бөлүмү тартылды
Өрт Бишкектин Первомай районундагы авто запчасткалар дүкөнүнө таандык складда чыккан.
Төтөнчө кырдаалдар министрлигинин маалымат кызматынын маалыматына ылайык, оттун чыгышы тууралуу сигнал 05:05те келип түшкөн. Чакырууга Ленин районунан эки, Первомай районунан эки жана Свердлов районунан бир өрт өчүрүү бөлүмү жөнөтүлгөн.
"Окуя болгон жерде беш өрт өчүрүү бөлүмү жана штаб иштеп жатты. От 07:13кө чейин толугу менен өчүрүлдү. Отко кабылган аянт 350 квадрат метрге жакын болду", - деп айтылат билдирүүдө.
Кудайга шүгүр, окуянын натыйжасында эч ким жабыркаган жок.
