Чүй облустук ички иштер башкармалыгынын маалымат кызматынын маалыматына ылайык, 7-январь кечинде Бишкек–Кара-Балта трассасында калың туман пайда болду. «Аба ырайындагы кескин өзгөрүүлөр жана температуранын төмөндөшү себептүү бул автодорода көрүнүш начарлады. Айдоочуларга этият болуу сунушталат», - деп билдиришти маалымат кызматынан.
Ошондой эле Москва районунун жол кыймылынын коопсуздугун камсыздоо бөлүмү айдоочуларга эскертүү жөнөттү: «Туман шартында коопсуздук эрежелерин сактоону катуу сунуштайбыз: белгиленген ылдамдыкты ашырбоо, коопсуз аралыкты сактоо, каршы тилкеге чыкпоого жана жол кыймылынын эрежелерин так сактоого», - деп кошумчалашты ООБДД.
