Ош облусунун Кара-Суй районунда, Отуз-Адыр айылында жаңы бала бакчанын курулушу аяктады. Курулуш министрлигинин маалыматына ылайык, бул долбоорго мамлекеттик бюджеттен 53 миллион сом бөлүнгөн, жаңы имараттын жалпы аянты 1078 чарчы метрди түзөт.
Эки кабаттуу бала бакча заманбап стандарттарга ылайык долбоорлонгон. Анын курамында окуу жана тарбиялык бөлмөлөр, уктоочу зоналар, ашкана жана дарыгер үчүн кабинет каралган.
Мындан тышкары, бала бакчанын аймагында балдар үчүн заманбап оюн аянтчалары түзүлгөн.
