Бүгүн, президент Садыр Жапаровдун алыстан катышуусунда, 90 орунга ылайыкташтырылган заманбап мекеменин ачылыш аземи өттү. Иш-чарага жергиликтүү тургундар, ошондой эле облустук жана райондук бийликтин өкүлдөрү катышты. Жаңы бала бакча толугу менен заманбап стандарттарга жооп берет жана бардык керектүү жабдуулар менен камсыздалган.
Мурда «Ак-Тал» бала бакчасы 1961-жылы ашар ыкмасы менен курулган. Бирок 2016-жылдын 7-январында болгон жер титирөөдөн улам, фундамент жана дубалдарына зыян келип, имарат авариялык абалга келип, пайдаланууга жараксыз болуп калды. Ошондон бери бала бакча убактылуу жеке үйдө иштеп келген.
Бул маселени эске алып, 2023-жылы республикалык бюджеттен 75 миллион сом бөлүнүп, 90 орундуу жаңы бала бакчанын курулушу башталды.
