Жалал-Абад облусунун Ички иштер башкармалыгынын маалымат кызматына ылайык, 2026-жылдын 10-январында Манас шаардык ички иштер бөлүмүнүн кезекчи бөлүмүнө тез жардам кызматынан билдирүү келип түшкөн. Анда 1985-жылы туулган И.В. аттуу шаар тургуну өз жашаган жеринде өлгөн абалда табылганы тууралуу маалымат берилген.
Манас шаардык ИИБдин тергөө кызматы бул маалыматты электрондук журналга каттап, бул факт боюнча алдын ала текшерүү жүргүзүүнү баштады.
Текшерүүнүн алкагында Манас шаардык ИИБдин оперативдүү-тергөө тобу окуя болгон жерге чыгып, дененин сырткы текшерүүсүн жүргүздү. Өлүмдүн себептерин аныктоо үчүн соттук-медициналык экспертиза дайындалды.
Учурда зарыл болгон тергөө иш-аракеттери улантылууда.
