Маалыматка ылайык, бетон негиздерин даярдоо жана колонналар үчүн фундаменттерди куюу боюнча бардык иштер аякталды.
«Учурда фундаменттерди катмарар менен кысып толтуруу жана подвалдын дубалдарын армирлөө иштери жүргүзүлүүдө. Курулуш 2025-жылдын ноябрь айынын аягында башталды. Проект үч кабаттуу имаратты камтыйт, ал заманбап билим берүү шарттары менен жабдылат жана жалпы аянты 8 миң 625 чарчы метрди түзөт», — деп айтылат расмий билдирүүдө.
Курулуш иштерин министрликке караштуу «Кыргызкурулуш» мамлекеттик ишканасы жүргүзүүдө. Мектептин долбоору шаар куруу жана архитектура департаменти тарабынан иштелип чыккан.
