Маданият министрлигинин маалыматы боюнча, мурунку имаратта олуттуу техникалык кемчиликтер болгон жана санитардык нормаларга жооп бербеген.
План боюнча, жаңы окуу жайдын жалпы аянты 13 600 чарчы метрди түзөт, анын ичинде окуу бөлмөлөрү жана жатакана. Имарат сегиз кабаттуу болуп, заманбап жабдуулар менен жабдылат, курулушуна 750 миллион сом бөлүнөт. Объект 2026-жылдын 31-декабрына чейин пайдаланууга берилет деп күтүлүүдө. Жаңы имаратта ашкана, 300 орундуу концерттик зал, конференц-зал жана спорттук комплекс, ошондой эле унаа токтотуучу жай катары колдонулуучу цокольдук кабат жайгашат.
