Курулуш министрлигинин маалыматына ылайык, курулуш иштер 2025-жылдын 7-июлунда башталган. Азыркы учурда имараттын ичиндеги оңдоп-түзөө иштер, ошондой эле фасадды жасалгалоо жана чектеш аймакты көрктөндүрүү иштери активдүү жүргүзүлүүдө. Борбор курулуп жаткан участоктун аянты 3986,97 чарчы метрди түзөт.
Проект боюнча, жаңы үч кабаттуу имарат подвал менен бирге кинотеатр, спорт зал, кызмат көрсөтүү уюмдары үчүн офис жайлары жана банк филиалдарын, ошондой эле конференц-зал камтыйт. Проектте коноктор үчүн авто токтотуучу жай да каралган.
