Район прокуратурасынын маалыматы боюнча, мурдагы административдик имарат 1952-жылы курулган. Ал эскирип, авариялык абалда болгондуктан, 2021-жылы Нарын облусунун шаар куруу жана архитектура башкармалыгы тарабынан техникалык корутунду берилген, анда имарат авариялык абалда экендиги, жер титирөөлөргө туруштук бере албасы жана мындан ары пайдаланууга жараксыз экени көрсөтүлгөн. Мунун натыйжасында жаңы имарат куруу зарылдыгы пайда болду.
2025-жылы республикалык бюджеттен каражат бөлүнүп, жаңы имаратты куруу боюнча тендер жарыяланды. Тендердин жыйынтыгы боюнча «STRiM GROUP» (СТРиМ ГРУП) жоопкерчилиги чектелген коом 16 млн 500 миң сомдук контрактты утуп алып, учурда активдүү курулуш иштерин жүргүзүүдө.
Жаңы эки кабаттуу имарат 9 кызматтык кабинет, санитардык узел, кабыл алуу пункту, унаа гаражы, склад, авто токтотуучу жай, жашыл аймактар жана башка керектүү шарттарды камтыйт.
Министрликтен алынган маалымат:
Жоопкерчилиги чектелген коом Строительная компания «STRiM GROUP» (СТРиМ ГРУП)
Каттоо күнү: 20.01.2012
Негизги иш түрү: турак жай жана турак жай эмес объектилерди куруу
Директор: Азиз уулу Нурболот
Учредитель: Токтогазиев Русланбек Шаймердинович.
