Берилген маалыматка ылайык, курулуп жаткан объект эки кабаттуу, түз бурчтук формадагы имарат болуп, жалпы аянты 2 296 чарчы метрди түзөт. Курулуш жүрүп жаткан жер тилкесинин аянты 0,2637 гектарды түзөт.
Комплексинин биринчи кабатында гардероб, машыктыруучунун бөлмөсү, судьялар үчүн бөлмө, тейлөө персоналы үчүн жайлар, санитардык түйүндөр, ошондой эле эркектер жана аялдар үчүн кийим алмаштыруучу жайлар, инвентардык бөлмө жана эки толук өлчөмдөгү спорттук аянтчалар жайгашат, мындан тышкары, ушул деңгээлде жылуулук борбору болот.
Экинчи кабатта тренажер залы, медициналык кабинет, санитардык түйүн жана техникалык жайлар орун алат.
Имараттын фундаментин лента түрүндө жасалган, ал эми сырткы дубалдар жана бөлмөлөр сэндвич панелдеринен курулган. Металл каркас имаратка керектүү бекемдикти, энергия натыйжалуулугун жана узак мөөнөттүүлүктү камсыз кылат.
Курулуштун подрядчысы ОсОО «Компания Аль Фирдаус» болуп саналат, бул тууралуу расмий булактарда маалымдалган.
