Курулуш министрлигинин маалыматына ылайык, долбоор республикалык бюджеттин каражаттары менен каржыланат, ал эми иштерди аткаруу үчүн тендердин баасы 80 миллион сомду түзөт.
Жаңы мектеп үч кабаттуу болуп, 225 окуучуну кабыл алууга мүмкүнчүлүк берет. Имараттын ичинде окуу класстары, лаборатория, китепкана, медициналык муктаждыктар үчүн кабинет, ошондой эле уулдар жана кыздар үчүн эмгек билим берүү бөлмөлөрү каралган.
Учурда куруучулар экинчи кабаттын курулушун башташты.
Курулуш министрлигинде 2012-жылы жеңил конструкциялар менен курулган эски мектептин эксплуатация мөөнөтү 12 жылга эсептелгенин белгилешти. Азыркы учурда анда 368 бала билим алууда.
