Бүгүн, 19-январда, Кыргызстанда тоо жолдорунда транспорттун кыймылы үчүн чектөөлөр жок, деп билдирет КРдин Транспорт жана байланыш министрлиги.
Министрлик жол кызматтары түнү бою иштеп, жолдорду кардан тазалоо жана туз-кум аралашмасын төгүү иштерин жүргүзүп жатканын маалымдайт.
Министрлик ошондой эле айдоочуларга каршы тилкеге чыгууга жол бербөөнү, жол кыймылынын эрежелерин так сактоону, жазгы шындарды кышкы шындарга убагында алмаштырууну жана керектүү жабдууларды өздөрү менен алып жүрүүнү сунуштайт.
