2023-жылдын 1-январында Кыргызстандагы бардык негизги ашууларда булуттуу аба ырайы байкалууда. Транспорт жана байланыш министрлигинен билдиришкендей, жолдор транспорттун жүрүшүнө ачык, жана транспорттук байланыш чектөөсүз жүргүзүлүүдө.
Жол кызматтары күн сайын унаа жолдорунда жана ашууларда коопсуздукту камсыз кылуу боюнча иш алып барышат, бул да министрликте белгиленди.
Ошондой эле министрлик айдоочуларга жолдордогу кышкы шарттарды эске алып, унааларын кышкы мезгилге даярдоону, кышкы шинадарды колдонуу жана жол кыймылынын эрежелерин так сактоону сунуштайт.
