Жааган аба ырайынын начарлашына байланыштуу өлкөнүн айрым аймактарында күчтүү кар түшүү уланууда. Минтранс маалымдагандай, жол кызматкерлери түнү-бүгүнү иштеп, карды тазалоо иштерин жүргүзүүдө.
Жолдорду пайдалануучу адистештирилген ишканалар трассаларды үзгүлтүксүз тазалап, кыймылдын коопсуздугун жогорулатуу үчүн туз-кум аралашмасын салып жатышат.
Транспорт жана байланыш министрлигинин маалыматы боюнча, 11-декабрь күнү саат 10:00дө Нарын облусундагы Долон ашуусунда жүк ташуучу транспорт үчүн убактылуу чектөөлөр алынып салынды.
Бирок, Бишкек–Ош автожолунда жайгашкан Ала-Бель ашуусунда чоң жүк ташуучу унаалар үчүн чектөөлөр күчүндө калууда.
Бишкек–Нарын–Торугарт автожолунун (Туз-Бель ашуусу) бөлүгүндө бардык типтеги транспорт үчүн убактылуу чектөө иштөөдө. Бул бөлүктө кар жаап жатат, бирок ДЭП № 957 адистери жолду оперативдүү тазалоо жана инерттик материалдар менен иштетүү иштерин улантууда.
Министрлик кошумча маалымат кийинчерээк берилерин маалымдады.
Башка ашууларда жана жолдордо кыймыл ачык, жолдорду тейлөө иштери үзгүлтүксүз уланууда.
Ведомство айдоочуларды узак сапарларга чыгууда кышкы шина коюуга жана жол кыймылынын эрежелерин так сактоого чакырат. ```
