Нарын облусунда «Нарын» аэропортун шаар менен байланыштырган 5,5 км узундуктагы жолду асфальттоо иштери аяктады. Кыргыз Республикасынын Транспорт жана байланыш министрлигинин басма сөз кызматы билдиргендей, асфальт төшөө Нарын - Оруктам унаа жолунун 4-9+500 км участкасында жүргүзүлгөн. Учурда жол кызматкерлери жолдун жээгин бекемдөө менен алектенишүүдө.
Ведомствонун маалыматы боюнча, титулдук тизмеден каржыланган иштер жол кыймылынын коопсуздугун жакшыртууга жана транспорттук байланыштарды оптималдаштырууга багытталган.
