Бүгүнкү күндө иш-чаралар Жээренчи, Зергер жана Жаңы-Айыл айылдарында өткөрүлдү.
Талкууларга Жазы айыл өкмөтүнүн башчысы Улукбек Джеенбаев, жергиликтүү кеңештин депутаттары жана жашоочулар катышты. Жыйындын жүрүшүндө айылдык аймактын жашоосуна байланыштуу маанилүү маселелер каралып, жарандардын пикирлери жана сунуштары угулду.
Айлдын калкы менен айыл өкмөтүнүн ортосунда суроо-жооп форматында ачык жолугушуулар уюштурулууда, ошондой эле эң маанилүү маселелер боюнча туруктуу коомдук угулар өткөрүлүүдө. Бул иш-чаралардын максаты — жарандардын пикирлерин угуу, алардын сунуштарын эске алуу жана жергиликтүү башкаруу органдарынын ишинде ачыктыкты жана жоопкерчиликти камсыз кылуу.
Жашоочулар ошондой эле айрым жарандардын мыйзамсыз түрдө өз участокторун кеңейтип, ашыкча жерлерди тосуп алгандыгы тууралуу билдиришти, бул жолдордо жүрүүнү кыйындатууда. Мындан тышкары, жайыт жерлерине жетүүдө кыйынчылыктар байкалууда.
Айыл өкмөтүнүн башчысы, мыйзамга ылайык, жерлерди өз алдынча ээлеп алган адамдарга карата зарыл чаралар көрүлөөрүн белгиледи.
