Жогорку Кенештин жыйынында депутат Жылдыз Садырбаева Ленин районунун 100дөн ашык тургундарынан келген жамааттык кайрылууну угузду. Ал Бишкек шаарындагы 2050-жылга чейин пландаштырылган жаңы жалпы пландын негизинде Шералиев көчөсүн кеңейтүү пландалып жатканын белгиледи. Бул кеңейтүү Ахунбаева көчөсүнөн Гагарин көчөсүнө чейин созулуп, Термечиков көчөсүнө кошулушу менен байланыштуу болот.
«Мындай чечим 100дөн ашык турак үйдүн бузулушуна алып келиши мүмкүн. Тургундар мэрияга сунуштар менен кайрылышты, бирок, кызганычка каршы, тиешелүү жооп ала алышкан жок. Мен мэриядан зыяндын көлөмү жана бузулууга тийиш болгон үйлөрдүн саны тууралуу маалымат берүүнү суранам. Шералиев көчөсүн өзгөртпөй, Репина көчөсүн кеңейтүү вариантын карап чыгуу мүмкүнбү?» - деп сурады депутат.
