Тюп районунда жайгашкан Мин-Булак айылында катуу кар жаашынан жабыркаган жаңы мектептин чатырынын оңдолушу аяктады. Бул тууралуу район акими Тимур Мадяров маалымат берди.
Анын айтымында, бир метрден ашык кар түшкөндөн кийин билим берүү мекемесинин чатыры салмакка чыдабай, үч жеринен деформацияланган. 150 окуучуга ылайыкташтырылган мектептин курулушу 2025-жылдын декабрь айында кайрымдуулук фондунун колдоосу менен аяктады.
Аким окуя болгон учурда имаратта балдар жок экенин белгиледи. «Чатыр 20-январга караган түнү кулады. Бүгүнкү күндө подрядчиктер оңдоп-түзөө жана конструкцияны бекемдөө иштерин аякташты. Документтерди даярдоо процесси дагы аяктаган жок, ошондуктан жаңы мектепте окуу процесси башталган жок, балдар эски мектепте окууну улантууда», - деп түшүндүрдү ал.
Мадяров ошондой эле кырдаал катуу көзөмөлдө экенин жана жакын арада комиссия имараттын бардык элементтерин кемчиликтер боюнча кайрадан текшерээрин кошумчалады.
Эскерте кетсек, эки кабаттуу мектептин курулушу 2024-жылдын июнь айында башталып, 2025-жылдын декабрь айында расмий түрдө аяктаган.
