«Эмгек коргоо жөнүндө» мыйзам долбооруна арналган жыйында депутат Дастан Бекешев коммуналдык ишканасы «Тазалык» кызматкерлеринин жолго чыгышын токтотуу керектиги тууралуу идеясын билдирди.
«Бул коопсуз эмес. Биз XXI кылымда жашап жатабыз, бизде атайын техника бар. Адамдарды жолго жиберүүнү токтотуу маанилүү», — деди ал.
Марлен Маматалиев «Тазалык» кызматкерлеринин жана жол оңдоочулардын түнкү убакта иштөөсүнө мүмкүнчүлүк болушу керектигин кошумчалады.
«Күндуз тыгындар пайда болот, жолдор жабык. Чет өлкөлөрдө мындай иштер түн ичинде жүргүзүлөт. Мен эмне үчүн бизде бул мүмкүн эмес деп сураганда, мага эки эсе төлөө керек деп жооп беришти. Бул мыйзамда жазылган. Сиздерге өзгөртүүлөрдү киргизүүгө эмне тоскоол болууда?» — деп сурады депутат.
Эмгек, социалдык камсыздоо жана миграция министринин орун басары Камчыбек Досматов бул маселе анын министрлиги тарабынан карала турганын тастыктады.
