Бул пландалбаган текшерүү Жалал-Абад облустук башкармалыгы тарабынан министр Нурдан Орунтаевдин көрсөтмөсү боюнча уюштурулган рейддик иш-чаралардын жүрүшүндө башталды.
Мыйзам бузуу Манас шаарындагы Торговый микрорайонунда, 24-үйдө орун алган объектте катталды. ОсОО «МилДом» курулуш иштерин мыйзам талап кылган бардык уруксаттарды албастан жүргүзүп жатканы аныкталды.
Текшерүүнүн жыйынтыгы боюнча акт түзүлүп, курулуш иштерин убактылуу токтотуу чечими кабыл алынды.
Компанияга 200 миң сом өлчөмүндө айып пул салынды.
Мындан тышкары, курулушчуга курулуш нормаларын жана коопсуздук талаптарын катуу сактоо зарылдыгы эскертилди.
