2026-жылы «Коопсуз өлкө» демилгесинин экинчи этабынын алкагында Кыргызстандын аймагында 20 миңден ашык видеокамера орнотулат. Бул тууралуу өлкөнүн ички иштер министри Улан Ниязбеков 2025-жылдагы ИИМдин ишинин жыйынтыктарына арналган жыйында билдирди.
Ниязбеков республикада заманбап санариптик технологиялар активдүү киргизилип жатканын белгилеп, бул коомдук жайларда, көчөлөрдө жана туристтик аймактарда коопсуздукту жаңы деңгээлге көтөрүүгө мүмкүндүк берерин айтты.
«Биздин максат — коомдук тартипти сактоо жана кылмыштуулукка каршы күрөшүү гана эмес, ошондой эле жарандар үчүн кызмат көрсөтүүнүн сапатын жакшыртуу. Биз өлкөнүн тургундарына жана конокторуна тез жана натыйжалуу жардам көрсөтүүгө умтулабыз. Бул өз жыйынтыктарын берди: дээрлик 10 миң кылмыштын алдын алды», - деп кошумчалады министр.
