Ош шаарында үй-бүлөлүк балдар үйүнүн курулушу белгиленген график боюнча активдүү улантылууда. Түштүк борбордун мэриясынын маалымат кызматы бул маалыматты бөлүштү.
Мэр Женишбек Токторбаевдин көрсөтмөсүнө ылайык, «Лотос» жана «Алтын Уя» балдар үйлөрүндө тарбияланган балдарга турак жай берүү максатында 28 батирден турган көп кабаттуу турак жай комплекси курулууда.
Учурда курулуш объектинде бир нече участокто активдүү иштер жүрүүдө. Ички дубалдарды бузуу иштери аякталды, ошондой эле фасад жана жылуулук изоляция системасын орнотуу боюнча иштер башталды. Мындан тышкары, тиешелүү уюмдардын адистери тарабынан сантехникалык жана электр монтаждоо иштер жүргүзүлдү.
