Жогорку Кеңеште «Кыргыз Республикасы менен Саудия өнүктүрүү фонду ортосундагы «Мамлекеттик мектептерди куруу» долбоору боюнча Кредиттик келишимди ратификациялоо жөнүндө» мыйзам долбоору бекитилди. Келишим 2025-жылдын 9-октябрында Бишкекте кол коюлган.
Курулуш министрлигинин маалыматы боюнча, 50 миллион долларлык кредит 25 жылдык мөөнөткө берилет. Бул каражат Бишкекте беш жаңы мектептин жана жети кошумча окуу корпусунун курулушуна, ошондой эле Чүй облусунда эки жаңы билим берүү мекемесин түзүүгө жумшалат. Долбоордун ишке ашырылышы 2026-жылы башталып, 2029-жылга чейин уланат, анын ичинде курулуш үчүн эки жыл жана кепилдик мөөнөтү үчүн бир жыл.
