Бул маалыматты райондук прокуратура берди.
Ведомствонун маалыматына ылайык, иш-чара жергиликтүү мамлекеттик администрациянын жыйындар залында өтүп, райондук прокуратура тарабынан уюштурулган.
«Биздин райондо үй-бүлөдөгү зомбулукту жана балдарга карата зомбулукту алдын алуу боюнча чаралар күчөтүлүүдө. Жыйында укук бузуулардын алдын алуу, жабыр тарткандарды коргоо, ошондой эле коркунучтуу шарттарда жашаган балдарга жана үй-бүлөлөргө жардам көрсөтүү маселелери да каралды», — деп белгилешти прокуратурадан.
Жыйындын жыйынтыгы боюнча прокурорлор кризис борборун жана региондогу укук бузуулардын алдын алуу борборлорун түзүү боюнча иштерди активдештирүүнү, ошондой эле алардын каржылануусун камсыздоону талап кылышты.
Мындан тышкары, үй-бүлөдөгү зомбулук актыларын жасаган адамдар үчүн жүрүм-турумду оңдоо программаларын ишке ашыруу, көйгөйлүү аймактарда жана билим берүү мекемелеринин жанында видеокөзөмөл системаларын орнотуу, ошондой эле укук коргоо органдары менен биргеликте рейддер өткөрүүнүн зарылдыгы талкууланды.
Бардык тиешелүү мамлекеттик структураларга профилактикалык чараларды күчөтүү жана кабыл алынган чечимдерди убагында ишке ашырууну камсыз кылуу боюнча көрсөтмөлөр берилди», — деп кошумчалашты прокуратурадан.
Район акими Ниязбек Козуев көтөрүлгөн маселе боюнча комментарий берип, учурда кризис борборун ачуу үчүн зарыл болгон иштер жүргүзүлүп жатканын билдирди.
