Жыйынга китепкана жана китеп иши менен алектенген маданий мекемелердин жетекчилери чогулат.
Иш-чаранын негизги максаты — китеп жана китепкана системасынын учурдагы абалын талдоо, бар болгон көйгөйлөрдү жана тармакты өнүктүрүү мүмкүнчүлүктөрүн аныктоо, ошондой эле ведомстволор аралык кызматташтыкты түзүү жана өнүктүрүүнүн жаңы ыкмаларын иштеп чыгуу.
Талкуу учурунда катышуучулар тармактагы реформалар, заманбап талаптарга ылайык китепкана ишмердүүлүгүн жакшыртуу, окуу маданиятын өнүктүрүү жана улуттук руханий баалуулуктарды популяризациялоо темаларын көтөрүшөт.
Жыйындын аяктоосунда секторду өнүктүрүүгө багытталган сунуштар жана резолюция даярдалат, бул мамлекеттик жана коомдук институттар ортосунда конструктивдүү диалогду бекемдөөнүн негизин түзөт.
