Бүгүн, 29-январда, Ош шаарынын мэри Женишбек Токторбаев, шаардык кызматтардын жетекчилери менен бирге, А. Шакиров көчөсүндө таңкы рейд өткөрдү.
Текшерүүнүн жүрүшүндө бул көчөдөгү бир нече коммерциялык объекттер мыйзам бузуу менен курулгандыгы, муниципалдык жерди ээлеп алгандыгы аныкталды. Бул объекттердин арасында мурдагы вице-мэр Жасур Азимовдун имараты да бар. Мэр мыйзамды бузган курулуштарды учурдагы нормаларга ылайык бузууну жооптуу кызматтарга тапшырды.
Ошондой эле "Глобус" соода борбору жана "Нурзаман" курулуш компаниясы менен байланышкан коммерциялык объекттердин мыйзамдуулугун текшерүү жүргүзүлөт. Пландоодо бул көчөдөгү спорттук объектти жана ресторанды бузууну ишке ашыруу бар.
