Полициядан алынган маалыматка ылайык, 28-январда шаар тургуну Б.Э. бөлүмгө арыз жазып, 14-январда саат 13:20 чамасында белгисиз кыз бир соода борборундагы бутиктен алтын шакек уурдап кеткенин маалымдаган. Шакектин баасы 14 миң сомду түзгөн.
Тергөө органдары Кыргыз Республикасынын Кылмыш-жаза кодексинин 205-беренеси боюнча уурулукка байланыштуу кылмыш ишин башташты.
Оперативдик иш-чаралардын жүрүшүндө полиция кызматкерлери шектүүнүн жеке башын аныкташты, ал 2007-жылы туулган А.Ж. болуп чыкты. Ал Бишкек шаардык Ички иштер башкармалыгынын убактылуу кармоо жайына жайгаштырылды.
Учурда укук коргоо органдары анын дагы үч окшош уурулукка катышы бар-жогун текшерип жатышат. Тергөө уланууда.
