Жыйындын жүрүшүндө, шаардык жалпы дарыгерлик практика борборунун жетекчиси Жыргал Кадыров жүргүзүлгөн иштер боюнча отчетун сунуштап, өткөн жыл менен салыштырганда калк саны 800 адамга өскөнүн белгиледи.
Ал ошондой эле төрөлүү көрсөткүчүнүн төмөндөп, өлүмдүн санынын өсүп жатканын айтты. Бул боюнча шаардык кенештин депутаты Жалалидин Султанов күмөн санап, мындай шартта калк санынын кантип өсүшү мүмкүн экенин сурады.
Жарияланган маалыматка ылайык, 2024-жылы Кызыл-Кыяда 900 бала төрөлсө, 2025-жылы - 852 бала төрөлгөн. Өлгөндөрдүн саны 2024-жылы 195, 2025-жылы 206 адамды түздү. Демек, калк саны 2024-жылы 64 034төн 2025-жылы 64 834кө өстү.
Жыргал Кадыров мындай көрүнүштүн себеби оорукананын оңдоп-түзөө иштеринен улам болгонун түшүндүрдү. Алты ай бою мекеме оңдоп-түзөө үчүн жабык болуп, көптөгөн шаардык аялдар башка айылдарда төрөлүүгө мажбур болушкан. Ал ошондой эле жыл сайын селдик көрүнүштөрдөн кийин калыбына келтирүү иштеринин жүргүзүлөрүн, анын ичинде подвалдарды суудан тазалоону кошумчалады, бул да жарандардын башка медициналык мекемелерге кайрылуусуна таасир этет.
