«Ал 2-февралда дүйнөдөн кайтты. Жөнөтүү аземи эртең, саат 10:00дө Асылбаш айылында өтөт», — деп билдиришти администрациядан.
Темирлан Биримкулович 1945-жылы Асылбаш айылында төрөлгөн. 1978-жылы Кыргыз мамлекеттик университетинин чет тилдер факультетин аяктаган. 1968-1972-жылдары Ленин атындагы заводдо электр дәнекерлөөчү болуп иштеген, андан кийин 1972-1973-жылдары «Белогорка» совхозунда эмгектенген. 1978-1980-жылдары Киров орто мектебинде мугалим болуп иштесе, 1980-1982-жылдары №2 «Октябрь» мектебинде билим берүү жана тарбия иштеринин директорунун орун басары кызматын аткарган. 1982-1990-жылдары Белогорск санитардык мектеп-лесничествосунун директору болуп иштеген. 1990-1991-жылдары Сокулук райондук партия комитетинде инструктор, Ново-Троицк шаарындагы «Агрокурулушкомплект» базасынын директору болуп иштеген. 1991-1998-жылдары Сокулук райондук мамлекеттик администрациясынын биринчи орун басары, 1998-2005-жылдары Сокулук районунун акими болуп кызмат кылган. 2008-2009-жылдары Аламедин районунун акими болуп да иштеген.
Темирлан Биримкулов «Данк» медалына, ошондой эле бир катар ардак грамоталарга жана төш белгилерге ээ болгон.
