. Чүй облусунда суу объекттерин мыйзамсыз приватташтыруу фактысы аныкталды. Мында Ысык-Ата районунда жайгашкан жана Кыргыз Республикасынын Суу ресурстары, айыл чарба жана кайра иштетүү өнөр жайы жана мелорация министрлигине караштуу суунун күндүзгү жөнгө салуу бассейни (БКЖС) жөнүндө сөз болуп жатат.
Бул бассейн 1999-жылдын 30-ноябрында «Пахарь» айыл чарба өндүрүш кооперативинин балансына өткөрүлгөн, бул мыйзамсыз жүргүзүлгөн. Андан кийин, 2021-жылы, Ысык-Ата районунун Ивановка айыл өкмөтүнүн №28 чечими боюнча, бул объект кайрадан СПК «Пахарь» менчигине өтүп, жеке менчик укугу боюнча мамлекеттик акт менен расмийленген.
Бирок, жүргүзүлгөн оперативдүү-тергөө иш-чараларынын натыйжасында, мыйзамсыз приватташтырылган бассейн мамлекеттик менчикке кайтарылды.
Маалымат үчүн: Күндүзгү жөнгө салуу бассейндери совет мезгилинде айыл чарба жерлерин сугат суу менен камсыз кылуу үчүн активдүү курулган. Алардын негизги функциясы суу ашыкча болгон учурларда (мисалы, кышында же жамгыр учурунда) суу топтоо жана кургакчылык учурунда колдонуу болуп саналат.
